My Carnival Weekend

Aright so ah hope everybody had a nice time in all de fetes, on de road, pan, etc.. fuh spite i eh read no papers to see if anybody dead or anyting so... but yuh kno news does reach back. One piece ah good news was a teacher and now good friend design monday mas for Silver Stars, pan winners, and had a ball wit it. She always up to try someting new =)

But i only studying while ppl palancin, i here bundle up half de time, and shovellin snow de odder half. An to make it worse, when ah tryin to see a lil ting on de internet, it stickin stickin. ONLY TO FINE OUT was fleckin C with a setta assness an dey "broadcast rights"!! When is C who should haul dey ass when dey make ppl pay an den tief ppl money cuz de stream wasn even wukkin. Dey ha to scramble to say well ahmm yuh could get a refund or watch a nex event. An wha happen when dat stick too? crapaud smoke yuh pipe.

So ah tryin to make a lil CD, if ah could fine enough songs ah like dat sound like soca and not dancehall...or dat not "on ah riddim". Pressha. It jes hit meh dat ppl on de beach all now... while i here wit meh space heater... but ah have one up: ah hear my CT crix cheaper dan Trinidad crix ... an lemmeh tell yuh, de Vital Supplies does come een REAL good in dis winter! ;-)

Til nex time...